Leita í fréttum mbl.is

Bláa ljósið fælir burt fíklana

Sífellt fleiri staðir eru komnir með blá ljós á salerni almennings og má þar nefna m.a. verslanamiðstöðvar og sum kvikmyndahús.

Umræðan hefur stungið sér niður á undanförnum árum og við uppfletting koma m.a. þessar greinar fram úr Fréttablaðinu, fáar af mörgum.

"Stöðugt verður algengara að bláar perur séu settar í ljós á almenningssalernum til varnar gegn eiturlyfjafíklum. Þannig hafa bláar perur verið settar í ljósastæði á almenningssalernum á Slysavarðsstofunni og í Sundhöll Reykjavíkur. Fíklarnir sjá ekki æðarnar í bláu ljósi.

Ófeigur Þorgeirsson, yfirlæknir á Slysavarðsstofunni, segir að fíklarnir eigi erfiðara með að sjá til þegar þeir sprauta sig í bláu ljósi en vörnin sé ekki hundrað prósent. "Fólkið er orðið það flinkt að það kemst hjá þessu en bláa ljósið hjálpar og eitthvað hefur þetta minnkað," segir hann.

"Við tókum þetta upp á salerninu frammi við biðstofuna okkar fyrir ári. Fólk var að sprauta sig þar og við fundum nálar þar þannig að við settum upp bláu ljósin. Það er vel þekkt aðferð því að æðarnar sjást verr í bláu ljósi," segir hann.

Katrín Irvin, rekstrarstjóri Sundhallar Reykjavíkur, segir að það hafi verið óhuggulegt fyrir starfsmenn Sundhallarinnar að þurfa að tína upp nálarnar eftir sprautufíklana á almenningssalerninu frammi í anddyrinu og því hafi blátt ljós verið sett upp. "Mér skilst að þetta sé notað víða," segir hún"

Svo mörg voru þau orð... Blá ljós til að koma í veg fyrir sprautunotkun fíkla!!  Blá ljós lögreglubíla eru þá komin með samhjálp frá Sundhöllinni og Slysavarðstofunni - gott mál eða hvað?  Er þetta sú nálgun sem við þurfum gagnvart vágestinum - eiturlyfjum. Blá ljós ? Við gætum fjölgað bláum ljósum t.d. á skemmtistöðum miðbæjarins um helgar. Í staðinn fyrir innbrotakerfi heimila fengjum við okkur blá ljós, því eins og flestir vita eru það lyfjaneytendur sem eiga flest innbrotin.

Götuljós, hvort sem yrðu í miðbæ Reykjavíkur, Hólmavíkur eða á Akureyri yrðu blá.

Við gætum kortlagt okkar heimabyggð með bláum ljósum, séð hvaða nágrannar hefðu blá ljós og þar með tryggt að okkar heimabyggð yrði laus við vágestinn - eiturlyf. Langfarsælast yrði þó,  að fá drottinn almáttugan til að skipta út sólinni og hafa þar bláan kastara, eiturlyfjaneysla heimsins myndi leggjast af. Ef ekki,  væri hægt að blinda eiturlyfjaneytendur þannig að þeir sæu ekki til við notkun eða að blinda okkur sjálf, þannig að við þyrftum ekki að horfa á eða vita af neytendum.

" Bláa ljósið fælir burt fíklana" segir okkur ekkert,  nema hversu langt við eigum eftir að fara til að hafa skilning á eiturlyfjavandamálinu á Íslandi í dag.


Hugleiðingar um hamingjuna, konur og lausnina á lífsgátunni.

Hamingja er  tengd einfaldleika en gömul kona sagði við mig þegar ég var lítill ( í árdaga mannlífs á jörðu) að hamingja væri sambland af tilfinningum hjartans og rökhugsun (orsök og afleiðingar - skynsemi). Mér finnst það ákaflega rétt og hef reynt að lifa eftir því þó að það gleymist oft í hita og þunga dagsins...

Konur. Ég hef þó komist að því að í öllum konum eru tvö aukagen umfram okkur karlmennina sem gera konuna jafnfullkomna og hún er en það er annars vegar T genið sem er tösku og tuð genið ( búslóðaflutningur í tösku sem fylgir þeim alltaf og svo tuðið sem hver fullorðinn karlmaður þekkir) og svo hinsvegar samburðargenið sem lýtur að samburði við umhverfið ( hver hefur það betra en ég?).

Ég held að karlmenn séu upp til hópa ánægðir með það sem þeir hafa á hverjum tíma, en konan aðstoðar þróunina með sífelldri ertingu, haltu áfram > eignastu meira> stærra hús> nýrri bíl> flottara sófasett > flatskjá fyrir sjónvarp> Spánarferðir > stærra trampólín>> betri mann hehe......

Þannig að til að öðlast hamingjuna og þar með að leysa lífsgátuna þarf að fjarlægja eitt af genum konunnar og ígræða genið sem við karlmenn höfum og heitir > nægjusemi... Annars telst ég vera kominn hálan ís með öllu framansögðu og kveð því að sinni... og fer í páskafrí og þá er best að hugsa þetta upp á nýtt ... eða hvað??


Að hafa það gott .... um páskana

Við sem höfum það svo gott og höfum allt til alls hugsum alltof sjaldan um fólk sem býr í fátækt.

Þessi mynd sem ég sendi ykkur nú tók ég með símanum mínum fyrir nokkru og hún sýnir að fátæktin er alls staðar.

Konan sem gengur þarna um í sínum gatslitnu fötum, með allt sem hún á í plastpoka snertir taug í okkur öllum.

Þetta er nokkuð sem við ættum að hugsa um þegar við setjumst niður á páskum með góðan mat og vín.

 

Með kristilegri samúðarkveðju ...

fátækt


Vér mótmælum "öll" - gelt í Straumsvík

Þá er búið að leggja kosningamálinu, stækkun álvers í Straumsvík.. og það með 88 atkvæða mun humm.. og forsvarsmaður Sólar í Straumi lét vita af því í leiðinni í lokin, svona um leið og hann kvittaði sig í hvíld, að samtökin væru enn til staðar og gætu mótmælt einhverju öðru,  svona ef ástæða væri til...

Við erum dálítið undarleg þjóð... frá því að forseti Bókmenntafélagsins tilkynnti sig inn í Íslandssöguna með  " vér mótmælum allir" þá höfum við ekki hætt..að mótmæla og hverju við mótmælum ekki...

Vér mótmælum "öll":

> lagningu síma frá Seyðisfirði til Reykjavíkur, sem var lagður..

> lokun skolplækjar sem Lækjargata heitir eftir ... hann var byrgður.....

> byggingu Seðlabankans... .hann var byggður...

> byggingu ráðhúss Reykjavíkur ... sem var byggt...

> byggingu Hæstaréttar ... sem var byggð...

> byggingu Perlunnar.... sem var byggð...

> veru bandaríska hersins ... sem fór...

> byggingu Kárahnjúkastíflu ... sem var reist....

> lagningu Höfðabakkabrúar ... sem var lögð....

> niðurrifi húsa við Laugaveg.... sem hverfa hvert af öðru....

Svona væri hægt að nefna blaðsíður ef ekki bækur.

Allt þetta fór í gegnum þrengingar, mismiklar, með leikaraliði, listamönnum og öðru styrkjafólki íslensku þjóðarinnar sem taldi sem vera í betra sambandi við fegurð og notagildi en almúginn...

En svo koma að því... að..

Vér mótmælum "öll":

Klámhópi frá Bandaríkjunum.... sem kom ekki...

Stækkun álvers í Straumsvík..... sem verður ekki....

Það sem skelfir mest er að mótmæli eru nú orðin gild og virka og má búast við því að við mótmælum bara meira... svo hægt er að segja.....

>áfram mótmælendur Íslands ... ykkur tekst að skella hinum þögla meirihluta í kaf með hávaðasömu gelti... gelt sem drepur niður framþróun... gelt sem skilar engum lausnum aðeins hávaða.....

 


Íslandshreyfingin eða framboð fátækra humm?

Ég heyrði inn á tal einhverra gáfumanna sem töldu smærri framboð ekki eiga erindi inn á þing … samtök eldri borgara, Íslandshreyfingin, Frjálslyndir Tounge og fleiri… næst yrði það framboð fátækra og það myndi endurspegla þessi “ónauðsynlegu framboð”,…. því hér væri engin fátækt hahaha og bakvið þetta hvíldu rök þeirra, gáfumannanna að allir hefðu nóg að borða og þak yfir höfuðið...           Þetta kveikti hugsun í gömlum kolli...mínum – humm að það væri ekki fátækt á Íslandi í dag..      Þetta er ekki rétt,  sumir  eiga það skítt og er skömm á okkar þjóðfélagi, að vera læstur inni í fátækt, menntunarleysi, aldri, veikindum og öðru sem brýtur niður mannlega reisn.      Aðalsökudólgurinn er í sjálfu sér að mestu innilokun í skuldum, þ.e. eyðsla fram í tímann, sko.....
heimilisreikningurinn gæti t.d. verið 55.000 í heimilið, 25.000 í bíl, 25.000 í annað og svo 75.000 skuldir
 ( humm greiðsla á eldri eyðslu) og þá lætur eitthvað annað undan þegar þú þrýstir 185.000 í 100.000 kr. innkomu. og boltinn stækkar og stækkar og endar í niðurbroti og útskúfun.     

Þetta með eyðslu á framtíðarinnkomu er stærsta vandamál í dag og þegar fólk skoðar sig og kemst að því að það skuldar að meðaltali 3-4 ára laun nettó (fram í tímann) er eignalaust, býr í íbúð sem bankar eiga (90-100% lán) bíl á leigu ( bundið næstu 3 ár að lámarki). 
      Það er vetur og myrkur, makinn og/eða þú eruð í bulli eða farinn, börnin á tómstundanámskeiði eða flutt að heiman, vinnan leiðinleg og illalaunuð miðað við "ábyrgð", "happy"töflurnar orðin hluti af morgunmatnum, þá er kannski ekkert gaman að lifa ha,      En svona hugsum við ekki gullið í þjóðfélaginu, sumarið er bara rétt handan við hornið, ævintýrin eru þarna líka ef við leyfum þeim að gerast og það er gaman að vera til....      En þetta voru bara hugleiðingar .. um fátækt...          

Hvar ættu fátækir að fá aura í framboð... skítblankir.....Grin


Byggðir landsins - Stokkseyri - flottur staður

Ég hef verið þeirrar gæfu að njótandi, kannski meiri en manni grunar sjálfum, að fá að fylgjast með uppbyggingu sjávarþorps á suðurlandi.. Þorps sem varla hafði kóda eða fiskvinnslu, var dauður svefnbær innlimaður í “hinn” svefnbæinn Selfoss undir nafninu Árborg. 

Stokkseyri heitir þessi vinalegi “ heiti” bær og er fjær okkur en Selfoss en nær okkur en Akureyri.

Undanfarin ár hefur uppbygging verið hröð og að öðrum ólöstuðum hafa hjónin Svanfríður og Reynir staðið sig frábærlega við að setja bæinn á kortið.. en þau reka m.a. Töfragarðinn ( tofragardur.is) og kajakleiguna ( kajak.is) og fleira er í deiglunni...

 

Þarna er íbúðaverð hátt ( eini mínusinn),  rólegt með afbrigðum, Draugasetrið, Veiðisafnið, Draugabarinn, Bryggjuhátið hvert ár, Fjöruborðið ( besti humar landsins) og þar var Sir Cliff Richard í mat í vikunni ... humm meðmæli jamm... Grunnskóli, leikskóli, sundlaug og verslun.. 

Týpiskt sveitaþorp sem lifði af og er að gera vel... 

Frá síðunni Stokkseyri.is sést ofangreint og miklu, miklu meira..  

Þetta er nú sett fram hér til fróðleiks en í öllu byggðastefnukjaftæðinu gleymist oft það sem er nær en er ekki á svæði 101 Reykjavík... 

Staður sem er flottur og með toppfólki í brúnni sem lifir af..... og grætur ekki örlög sín....þau  ráða sinni framtíð sjálf


Hreinlega... einn góður....

Þrír aldraðir menn sátu á bekk í garðinum fyrir utan elliheimilið.


Sá níræði dregur djúpt andann og segir: > Mér líður eins og sextugum manni...


Sá nítíu og fimm gerir slíkt hið sama og segir. > Umm. Mér líður eins og ég sé fimmtugur.....


Sá hundrað ára dregur andann langt og djúpt og segir eftir dálitla stund: > Mér líður eins og ég sé nýfæddur.


Sköllóttur, tannlaus og búinn að skíta á mig,,,,,,
 

Þjóðarsálin - þjóðsöngur Spaugstofunnar ohf

 

Horfði á Spaugstofuna eins og allir hinir og verð að segja að þarna kom sálin okkar fram..

kjarninn..

Spaugstofan er spegill samtíðar okkar og tóku þjóðsönginn listavel eins og þeim er einum lagið með texta sem grætti eins og  "originalinn" gerir hjá Íslendingum eftir langar fjarvistir frá landi og þjóð...

Nú er verið að hamast á þeim að þetta hafi ekki verið við hæfi og eigi að kæra þá .... Önnur "klámráðstefna" í gangi en nú í Efstaleitinu...

Ég held að þessi útfærsla hafi gert meira fyrir hugsandi fólk heldur en Framtíðarlandið, Íslandshreyfingin, Sól í straumi og allir hinir atvinnumótmælendurinr og kærendurnir...

Þjóðsöngur Spaugstofunnar setti hlutina í samhengi.. eitthvað sem ofangreindum hefur gersamlega mistekist að gera... ... sem tilbiður Alcan og deyr...   tær snilld.. Ég tek ofan fyrir ykkur Spaugstofumenn...


Að hafa skoðanir

Ég hef um nokkurt skeið fylgst með blogginu og haft bæði gagn og gaman af því og svo mikin pirring og svo lítið gaman....

ég hef horft á skoðanir og hvernig skoðanir mega ekki vera til nema það séu “réttar skoðanir” og þegar “réttu” skoðanirnar eru ekki í gangi þá eru menn drepnir.... 

ef ég hef aðra skoðanir á hommum og lesbíum en að þau séu “lovable” hárgreiðslufólk eða leikarar í Will og Grace þá er ég fordómasvín með löngun tl að stíga út úr skápnum og er í reynd feluhommi eða kirkjunar maður.

Ef ég vill að við höfum stjórn á innflutningi vinnuafls eða bara einhverja stjórn á erlendu fólki sem vill koma hingað.. þá er ég fordómafullur racisti a la 'ubermenchen' á Íslandi og þá hinir þá undir.

Ef ég gagnrýni Framsóknarflokinn .. þá er Jón Sigurðsson guð píslarvottana.

Ef ég vildi frjálst flæði gesta hingað á “klámráðstefnu” þá er ég karlrembusvín með leyndar tilfinningar til barna...

eða þá að ég styð virkjanir, guð minn góður, álver og nýtingu auðlinda okkar á skynsamlegan hátt .... common... á dauðalista vinstri grænna... 

Mér hefur þó alltaf þótt vænt um skellegan og kröftuga Steingrím VG þar til að hann fór á atkvæðaveiðar til femínista og öfganana þar hvílandi...  

en ég held áfram að fylgjast með og stundum að henda inn skoðunum mínum svona um leið og ég hef eitthvað að segja og vera jafnviti borinn og td. velstyran.blog.is/blog/velstyran/ og fleiri sem eru afbragsgóðir pennar með heilbrigðar skoðanir...  

Lifið heil


Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.

Höfundur

Kristján H
Kristján H
Gjörsamlega, algjörlega öfgalaus með skoðanir, oftast réttar en stundum rangar.  Rangar skoðanir eiga líka rétt á sér sbr. fegurð sést aðeins í samanburði við ljótleikann
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband